21 сентябрь куни европалик олимлардан иборат делегация Қишлоқ хўжалигида билим ва инновациялар Миллий маркази – AKISга ташриф буюришди. 

Ташриф давомида олимлар Марказда ташкил этилган кўргазма билан яқиндан танишиб, юртимизда қишлоқ хўжалиги соҳасида амалга оширилаётган кенг кўламли ислоҳотлар, лойиҳалар ҳамда янгиликлар борасида ўз фикрларини билдирдилар. 

Куннинг иккинчи ярмида олимлар илғор фермер хўжаликлари раҳбарлари ҳамда деҳқонлар билан узумчилик борасида Венгрия тажрибасини ўртоқлашдилар.